မြေရှင် သဘောတူလက်မှတ်မထိုးရင် အပျောက်တိုက်ခန်း ကို လွှဲပြောင်းရောင်းချပိုင်ခွင့်ရှိသလား
အပျောက်စနစ်နဲ့ ဝယ်ယူထားတဲ့ တိုက်ခန်းကို အရောင်းအဝယ်လုပ်ရာမှာ ဝယ်သူနဲ့ ဈေးညှိပြီး အဆင်ပြေပါလျက် မြေရှင်က သဘောတူလက်မှတ်ထိုးခကို မတန်တဆတောင်းလို့ စိတ်ညစ်ကြရတဲ့လူတွေ ရှိပါလိမ့်မယ်။ အများအားဖြင့် ၁% တောင်းလေ့ရှိကြပြီး တချို့က ၅% အထိ တောင်းကြတာတွေ ကြားဖူးပါတယ်။ ဒီတော့ အပျောက်စနစ်နဲ့ ဝယ်ထားတဲ့ ကန်ထရိုက်တိုက်ခန်းကို မြေရှင်ရဲ့ သဘောတူလက်မှတ်ပါမှ လွှဲပြောင်းရောင်းချခွင့်ရှိတာလား? ဆိုတဲ့ မေးခွန်းက မေးစရာဖြစ်လာပါတယ်။ ဒီကိစ္စဟာ ရန်ကုန်မှာပဲ ကြုံရများတဲ့ ကိစ္စဖြစ်ပါလိမ့်မယ်။ ထိုမေးခွန်းအတွက် အတိုဆုံးအဖြေမှာ ဥပဒေပြဌာန်းချက်မရှိပါ ဟူ၍သာဖြစ်ပါသည်။ တိုက်ခန်းပိုင်ရှင် (အိမ်ငှား) သည် အပျောက်စနစ်ဖြင့် ဝယ်ယူထားသော တိုက်ခန်းအား တစ်ဆင့်ပြန်လည်ရောင်းချသည့်အခါ မြေရှင် (အိမ်ရှင်) ၏ သဘောတူညီချက်ကို ရယူပြီးမှ ဆောင်ရွက်ရမည်ဟု ဥပဒေတွင် ပြဌာန်းချက်မရှိပါ။ [i] အပျောက်စနစ်ဆိုသည်မှာ (နေထိုင်ပိုင်ခွင့်အတွက် တန်ရာတန်ကြေးပေး၍ ဥပစာ (တိုက်ခန်း) အား လွှဲပြောင်းရယူခြင်း) ကို ဆိုလိုသည်။ *** ဒေါ်ငွေသန်း နှင့် ဒေါ်သိန်းညွန့် အမှု (၁၉၉၃ မတစ ၁၇) ထို့ကြောင့် မတရား မတန်တဆတောင်းခံသည့် မြေရှင်၏ သဘတာတူလက်မှတ်မလိုဘဲ ရောင်း...