mshii

အိမ်ခြံမြေ (ဂရန်မြေ) တစ်ခုကို အရောင်းအဝယ်လုပ်တဲ့အခါ ရောင်းသူ၊ ဝယ်သူတွေ မဖြစ်မနေ သိထားသင့်သည့် အခွန်ကိစ္စ (၃) မျိုး ရှိပါတယ်။ အဲ့ဒါတွေ ကတော့ - ရောင်းသူက ဆောင်ရမယ့် ရောင်းခွန် ဝယ်သူက ဆောင်ရမယ့် ဝယ်ခွန် ဝယ်သူက ဆောင်ရမယ့် တံဆိတ်ခေါင်းခွန် တို့ ဖြစ်ကြ ပါတယ်။ ဒီအခွန်ကိစ္စတွေကို သိရှိထားပြီး ရောင်းသူ၊ ဝယ်သူအကြား ရှင်းရှင်းလင်းလင်း ဖြစ်အောင် စရန်စာချုပ် ချုပ်ဆိုကတည်းက ရောင်းသူက ရောင်းခွန်ဆောင်၊ ဝယ်သူက ဝယ်ခွန်နှင့် တံဆိတ်ခေါင်းခွန်ဆောင် ရပါမယ်လို့ အတိအလင်းရေးသားပြီး စာချုပ်ချုပ်တာ အကောင်းဆုံး ဖြစ်ပါတယ်။ အဲ့သည့်လို ထည့်သွင်းချုပ်ဆိုမထားရင်တော့ ဝယ်ယူသူက ၎င်းအမည်ပေါက်ပြောင်းလဲတဲ့အခါ အခွန်ဆောင်ရမယ့်ကိစ္စနဲ့ ပတ်သက်ပြီး ရောင်းသူ၊ ဝယ်သူအကြား အငြင်းပွားစရာတွေ ဖြစ်လာ တတ်ပါတယ်။ ရောင်းခွန် ဆိုတာ အိမ်ခြံမြေရောင်းချရာမှာ ရောင်းသူက ရရှိတဲ့အမြတ်အစွန်းရဲ့ ၁၀ ရာခိုင်နှုန်းကို အခွန်အဖြစ်ပေးဆောင်ရတာဖြစ်ပါတယ်။ ဥပမာ ဦးဘ က မြေကွက်တစ်ကွက်ကို ၂၀၂၀ ခုနှစ်မှာ သိန်း ၁၀၀၀ နဲ့ ဝယ်ခဲ့ပြီး ၂၀၂၄ ခုနှစ်မှာ သိန်း ၅၀၀၀၀ နဲ့ ပြန်ရောင်းတဲ့အခါ သူရလိုက်တဲ့ မြတ်စွန်းငွေ ...